Сиз Ангрен тарихи музейи бўлимларида намойиш этилаётган экспозиция ва экспонатлар кўргазмалари билан  танишдингиз. Тарих-ўтмишнинг ойнаси, келажакнинг устози, деб бежиз  айтилмайди. Зеро, ўтмишсиз-келажак йўқ!  Ушбу кўрганларингиз ватанимиз тарихи ҳақидаги билим ва тушунчаларингизни янада бойитган бўлишига шубҳа йўқ!

Kategoriya: Xozirgi zamon tarixi bo'limi | Ko'rishlar: 204 | Qo'shilgan: doynub | Sana: 02.04.2020 | Sharhlar (0)

Бу 2 та ваза  Ангрен шаҳрининг 60 йиллигига Чирчиқ ва Олмалиқ шаҳар хокимликлари томонидан  берилган совғалардир.

Kategoriya: Xozirgi zamon tarixi bo'limi | Ko'rishlar: 240 | Qo'shilgan: doynub | Sana: 02.04.2020 | Sharhlar (0)

Бу витринада биз шаҳримизга Хитой ва Италия давлатларидан , Олмалиқ   , Тошкент , Чирчиқ шаҳарлари,  Оҳангарон тумани томонидан  ҳадя  қилинган совғаларни кўришимиз мумкин.

Kategoriya: Xozirgi zamon tarixi bo'limi | Ko'rishlar: 195 | Qo'shilgan: doynub | Sana: 02.04.2020 | Sharhlar (0)

“Қадр топган қадриятлар” кўргазмаси. Мукаддас ҳаж зиёратига бориб келган ҳамшахарларимиз томонидан ҳадя этилган буюмлар

Kategoriya: Xozirgi zamon tarixi bo'limi | Ko'rishlar: 188 | Qo'shilgan: doynub | Sana: 02.04.2020 | Sharhlar (0)

6 мингдан зиёд санъат асарлари ва экспонатлар мавжуд.Уларнинг ичида  айниқса дунёга машҳур  бўлган рассомлар - В.Уфимцев, Ў.Тансиқбоев , Р.Чориев каби  кўплаб ижодкорларнинг асарларини алоҳида таъкидлаб ўтиш керак. Ушбу кўргазмада В.И.Уфимцев ижодидан  намуналар кўрсатилган. Уфимцев Виктор Иванович 1899-йилда Россияда туғилган ..Ёшлигидан расм чизишга қизиққан ва отаси сиёсий шахс бўлганлиги сабабли болалиги қишлоқ ва шахарларда кўчманчиликда ўтган.  Биринчи чизган расмлари уруш давридаги афиша ва эълонлар бўлган. Рассом 1923-йил Ўзбекистонга саёхатга келган ва ўн йил давомида Ўзбекистоннинг турли шахарларида яшаб ижод қилган. 1933-йилда оиласи билан бутунлай Ўзбекистонга кўчиб келган. Рассомнинг тасвирий санат борасидаги меҳнати эътиборсиз қолмайди.  1944-йилда у Ўзбекистон халқ рассоми унвонига эришган ва бир йилдан сўнг ,1945-йили Ўзбекистон рассомлар уюшмаси раиси этиб сайланган. 1960 йилда В.Уфимцев Ангрен шаҳрига ўз асарларини тақдим этади. В.Уфимцев ижоди намуналари  ва унинг томонидан совға қилинган бошқа  рассомлар  асарлари асосида Ангрен  шаҳрида  тасвирий санъат   галереяси ташкил  этилади. В.Уфимцевнинг вафотидан сўнг аёли Галина Василевна Уфимцева рассомга тегишли буюмларни Ангрен шаҳри тасвирий санъат   галереясига совға қилган. Масалан, «Сабо» рассом томонидан Африкадан олиб келинган. Африкадаги айрим  халқлар қора дарахтдан будда ясаб унга худолари сифатида сиғинишан. «Этюдник» - рассом тоғларга саёхатга чиққанда ўзи билан ихчам холда олиб юрадиган портфел,чизган  этюдлари шу портфел ичига жойлаштирилган. «Автопортрет» одам ўзини - ўзи чизса автопоротрет дейилади, бу ерда  В.Уфимцев ўзини ойнага қараб тасвирлаган. «Ошхона интерери» -уйдаги ошхонасини натюрморти.                                    Булар эса этюдлар. Санъат бўлимимизда бошқа ҳаваскор ва халқ рассомларининг манзара жанридаги асарлари ҳам мавжуд. Масалан, В.Жуков асарлари. В.Жуков алпинизм бўйича спорт устаси бўлган, оёғи сингандан сўнг ўзи чиққан тоғларни ва саёҳат қилган  жойларини  расмини чизишга интилган. Масалан, “Чегевара чўққиси”, “Денгиз”, “Ўрмон”, “Оқтош” каби расмлар шулар жумласидандир. Кўргазмамизда яна Ўзбекистон халқ рассоми А.Қўзибоевнинг “Довон”, В. Чепраковнинг “Ёзда”, И.Скориковнинг “Ховли” деб номланган картинаси ўрин олган.

Kategoriya: Xozirgi zamon tarixi bo'limi | Ko'rishlar: 234 | Qo'shilgan: doynub | Sana: 02.04.2020 | Sharhlar (0)

) Мазкур витринада шаҳримизнинг фаол маданият ходимларидан Рахматов Нозимжон  фаолияти акс эттирилган.  Рахматов Нозимжон  1958 йил 18 августда Ангрен шаҳрида туғилган. Болалигидан санъатга қизиқиб, ўз  соҳасининг  етук  мутахассиси даражасига эришган мураббий-устозлардан биридир. Хозирги кунда . Нозимжон Рахматов  Ангрен шаҳридаги 10-болалар мусиқа ва санъат мактабида халқ чолғу асбобларидан  бири бўлган  доира  санъатидан  ёшларга таъим бериб келмоқда.

31) Маориф соҳаси фахрийларидан бири  Улаш Тўйчиев.У.Тўйчиев 1940 йил 11 июлда Самарқанд вилоятининг Пайариқ туманида туғилган. Узок йиллар таълим соҳасида фаолият олиб борган . Улаш Тўйчиев  Халқ  маорифи  аълочиси , ўнлаб илмий, илмий-услубий ишларнинг  автори.

Kategoriya: Xozirgi zamon tarixi bo'limi | Ko'rishlar: 190 | Qo'shilgan: doynub | Sana: 02.04.2020 | Sharhlar (0)

Ангрен шаҳарида маданият соҳасида ўзининг ўрнига эга бўлган инсонлардан бири Турдали Пардаевдир. У шаҳар маданий ҳаётида фаол иштирок этиш  билан бирга ўтказиладиган барча тадбирларнинг ташкилотчиси сифатида   ҳам катта ҳурмат  қозонган. Турдали Пардаевнинг  Республика “Бойсун баҳори” тадбирларидаги фаол иштироки ва  доимий равишда фахрли ўринларни эгаллаб келганлиги эътиборга  олиниб   “Шуҳрат” медали  билан тақдирланган.                            

Kategoriya: Xozirgi zamon tarixi bo'limi | Ko'rishlar: 200 | Qo'shilgan: doynub | Sana: 02.04.2020 | Sharhlar (0)

Кўргазмада  ҳамшаҳаримиз Рахматхон Тиллаев фаолияти аксини топган. Рахматхон Тиллаев 1965 йил 22 июнда туғилган. Ангрен шаҳар Гурум  қишлоғидаги 15-мактабда таълим олган.   Мактабни тамомлаб, 1984 -1986 йилларда харбий  хизматни ўтаб келган.Олий таълим  муассасасининг жисмоний тарбия факултетининг  сиртқи бўлимида ўқиган. Спортнинг бокс тури бўйича юқори натижаларга эришган. Илк меҳнат фаолиятини  Ангрен  спорт  мактабида   мураббий вазифасидан  бошлаб, спорт мактаби директори лавозимигача бўлган  йўлни босиб ўтган. 2003-2005 йилларда республика “Болалар спорт жамғармаси” раҳбари бўлиб ишлаган. 2016-2018 йилларда Тошкент вилояти Спорт қўмитаси раиси лавозимида фаолият олиб борган. Ҳалқаро тоифадаги ҳакам . Сидней олимпиадасида  ҳакам сифатида  иштирок этган. Рахматхон Тиллаев томонидан  Сидней Олимпиадасида  бокс бўйича ҳакам сифатида иштирок этганларнинг имзоси қўйилган  хотира  лавҳаси музейга туҳфа қилинган.

Kategoriya: Xozirgi zamon tarixi bo'limi | Ko'rishlar: 195 | Qo'shilgan: doynub | Sana: 02.04.2020 | Sharhlar (0)

Ушбу  витринада “Қалбларда мангу хотирангиз” номли кўргазмаси ўрин олган. Ўзбекистоннинг биринчи Президенти И.А.Каримов фаолияти билан боғлиқ маълумотлар, китоблар кўргазмага қўйилган.

Кўриб турганингиз “Хизматингиз эътирофда” номли экспозиция Афғон уруши қатнашчилари  жасоратига бағишланган. Ушбу экспозицияда Ватанимизнинг орден ва медаллари билан тақдирланган мард ва жасур аскарларининг  мукофотлари, шахсий буюмлари кўргазмага қўйилган.

Кўриб турганингиз витринадаги “Касб фидойиси” кўргазмасида  Ибрагимов Валижон Каримович фаолияти акс эттирилган. Ибрагимов Валижон Каримович 1969 йил  27 сентябрда Тошкент вилояти Оҳангарон туманида  туғилган . 1987 йил ноябрь ойида Оҳангарон туманида ҳарбий хизматга чақирилиб, 1989 йил октябрь ойида муддатли ҳарбий хизматни ўтаб келган.  1993 йил октябрь ойидан бошлаб ички ишлар идораларида турли лавозимларда хизмат қилиб келган.  Тошкент вилояти ИИБ терроризм ва экстремизмга қарши курашиш  бошқармаси тоғли ҳудудларидаги тезкор бўлинмалари тезкор бўлинмаси тезкор вакили, Ангрен шаҳри ва Ўрта  Чирчиқ тумани  ички ишлар бўлими бошлиғи лавозмларида фаолият  олиб борган. Ҳозирги кундаЎзбекистон Республикаси Президенти қабулхонаси  Ангрен шаҳар бўлимининг мудири вазифсини бажармоқда.  

Kategoriya: Xozirgi zamon tarixi bo'limi | Ko'rishlar: 221 | Qo'shilgan: doynub | Sana: 02.04.2020 | Sharhlar (0)

2012 йил 13 апрелда Биринчи Президентимиз И.А.Каримов томонидан Ангрен шаҳрини “МАҲСУС ИНДУСТИРИАЛ ЗОНА” (МИЗ)га айлантириш ҳақидаги қарор қабул қилинди. Бу  қарор қабул қилингандан сўнг Ангрен шаҳрида турли завод ва корхоналар қурила бошлади. Масалан, “Ангрен Қувур заводи”,  “Ангрен  шакар заводи”, “Ангрен ручка заводи”, “Ангрен брикет заводи” каби бир қатор корхоналар шулар жумласидандир.

Kategoriya: Xozirgi zamon tarixi bo'limi | Ko'rishlar: 192 | Qo'shilgan: doynub | Sana: 02.04.2020 | Sharhlar (0)

1 2 3 4 5 »