Онасизлик дардин онасиз билар,
Отасизлик дардин отасиз билар,
Эй фарзанд асрагин шулар иккисин,
Ота-онанг сенга фақат дўст бўлар!
Онажоним сизга раҳмат деб тургин,
Отажоним сизга раҳмат деб тургин,
Доим дуоларин сен олиб юргин,
Ота-онанг сенга фақат дўст бўлар!
Ким сабабли шу кунларга етдинг сен,
Ким сабабли синовлардан ўтдинг сен,
Улар қолиб кимнинг қўлин тутдинг сен,
Ота-онанг фақат сенга дўст бўлар!
Омадинг келганда қўл берганларга,
Ишинг юришганда йўл берганларга,
Ишонма омонат дил берганларга,
Ота-онанг фақат сенга дўст бўлар!
Ҳар кимни дўст билиб сирингни айтма,
Катта йўлга чиқдинг ортингга қайтма,
Фурсат ғаниматдир билгин бу пайтда,
Ота-онанг фақат сенга дўст бўлар!
Ёлғон ваъдаларга учма дўстгинам,
Жуда кўп алдандинг сен ҳам,
Икки инсон бордир сирдош ҳар бир дам,
Ота-онанг фақат сенга дўст бўлар!
Онасизлик дардин онасиз билар,
Отасизлик дардин отасиз билар,
Эй фарзанд асрагин шулар иккисин,
Ота-онанг сенга фақат дўст бўлар!

instagram.com/angren_muzey www.angrenmuzey.uz t.me/angren_muzey