Ўзбекистонинг хар бир вилоятида миллий либоснинг ўзига хос ёрқин кўринишлари, ранглари мавжуд бўлиб, бир-биридан фарқли ўлароқ, бетакрорлиги билан ажралиб туради. Уларнинг келиб чиқиши худуд тарихи, миллий хунармандчиликнинг ривожланиши ва хаттоки, меьморчилиги билан хам боғлиқ бўлади. Ўрта Осиёда ўзбек, туркман, тожик аёллари ўртасида каштачилик кенг тарқалган. Кашта тикиш услуби турли-туманлиги ўзбек каштадўзларининг саньатидан далолат беради. Масалан: Нурота, Бухоро, Самарқанд каштачилик махсулотлари йўрма кандахаёл чок билан, Шахрисабзда йўрма, ироқи, Тошкентда эса кўпроқ босма чок билан тикилган.